Via Cagliari, 1 - 09090 Simala (OR)
Tel +39 0783 97208 - 0783 97209 - Fax +39 0783 97216
MAIL protocollo@comune.simala.or.it - PEC protocollo@pec.comune.simala.or.it
CF. 80030370953        P.IVA 00355190950
avvisi protezione civile
ai alla sezione prescrizioni antincendio 2017
ultime novità del'ufficio servizi sociali
Ospitalità
         
Rassegna stampa
Calendario eventi
Bussola della trasparenza
In Evidenza
Chiusura ufficio servizi demografici per subentro ANPR in data 10/06/2019.

FAQ SÈRBITZIUS SOTZIALIS

 
 
1. Cali funt is arrechisius po podi gosai de sa L.162/98?
R. Teni una certificatzioni L.104/92, comma 3, art.3, anca s’atestat sa cunditzioni de handicap gravi;
Essi arresidendi in su Comunu innui si mandat s’arrechesta de L.162/98;
 
2.Cali funt is documentus chi tocat a intregai a su Comunu po podi benefitziai de sa L.162/98?
R. L.104/92, comma 3, art.3;
ISEE (Inditadori de sa situatzioni econòmica echivalendi) bàllidu chi pertocat is arrèditus de su/sa chi fait arrechesta isceti;
Ischeda de saludi chi su mèigu de famìllia cosa sua cumpilat;
 
3.S’ ischeda de saludi bolit agiornada ònnia annu e si podit intregai sa pròpia de s’annu passau?;
R. Chi no acuntessint mudaduras de importu in s’istadu de saludi de su/sa chi fait arrechesta andendi peus s’autonomia, si podit torrai a intregai cussa de s’annu passau.
 
4. E chi est chi lassat s’ISEE e ita totu documentus chi bolint po ddu teni?
R. S’ISEE ddu lassat unu CAF e po ddu lassai serbint:
  • datus anagràficus e còdixi fiscali de totu is chi faint parti de su nùcreu familliari (incapitendi portadoris de handicap a vida gravi o invalididadi chi sartat su 66% certificau de invalididadi o arreconnoscimentu de s’handicap)
  • documentu de arreconnoscimentu bàllidu de su/sa chi decrarat
  • s’arrèditu in totu de su nùcreu familliari decrarau po IRPEF e IRAP
  • decraratzioni ICI o datus catastalis chi pertocant su patrimòniu immobiliari de su nùcreu familliari
5. E chi est chi podit pediri su serbìtziu de Assistèntzia Domiciliari?
R. Personas chi tenint s’arresidèntzia e domicìliu in su Comunu de Sìmaba, chi s’agatant me in is cunditzionis chi sighint:
  • non si podint atendi de sei po nexi de unu istadu de maladia o de invalididadi e chi ndi ocasionat una sèmpiri prus pagu autosuficèntzia po unu tanti de tempus o chi sighit;
  • personas solas chi bivint in una situatzioni de isolamentu;
  • personas chi non disponint de bastanti assistèntzia de parti de is familliaris, in mesu a totu po su chi pertocat a is fillus chi bivint impari e non, po nexi de impedimentu apurau de parti de custus ùrtimus (aussèntzia po faina/traballu, istadu de maladia, e sighendi)
 
6. Su serbìtziu de Assistèntzia Domiciliari si ponit in contu finas po su domigu?
R. Su serbìtziu de Assistèntzia Domiciliari si ponit in contu po su domigu, totu is diis de festa e fait a ddu teni finas a de noti, ndi ocasionat de totu custu un’aumentu de is costus de sa cuntributzioni.
 
7. S’at a podi fai gestiri, in logu de gestioni non dereta, sa L.162/98 de unu parenti?
R. Segundu is inditus de sa regioni si lassant a foras de sa gestioni non dereta totu is parentis chi bivint impari e cussus chi funt in s’art. 433 de su c.c.
 
8. Fait a gosai impari de is finantziamentus de sa L.162/98 e “Torrai a domu”?
R. Is duus progetus non cuncordant a pari. Est su/sa chi fait arrechesta chi podit iscioberai cali ddi cumbenit de prus.
 
9. Po is arrembursus de is benefìtzius chi ispetant a chi est tocau de neoplasias e po is talassèmicus, nefropàticus e trapiantaus de figau/carrisàpida su tanti prus artu de arrèditu chi decidit sa Regioni est de cunsiderai lordu o netu?
R. Po is arrembursus de is benefìtzius chi ispetant a personas tocadas de neoplasias e po is talassèmicus, nefropàticus e trapiantaus de figau/carrisàpida s’arrèditu tocat de ddu cunsiderai netu e su càrculu ndi bessit boghendi de s’imponìbili totu is impostas comenti a s’IRPEF, aditzionali Comunu, regionali e sighendi.
 
10. E chi est chi podit intrai a su serbìtziu Cìvicu Comunali?
Totu is sugetus cun ISEE (Inditadori de sa situatzioni econòmica echivalendi) prus bàsciu de €. 4.500,00 sena de fai nudda o chi apant pèrdiu su traballu e funt sena de cobertura de asseguratzioni o de cali si siat forma de tutela de parti de àterus entis pùblicus e chi torrant àbilis a su traballu, chi faint parti de categorias isbantagiadas (is chi fiant detenutus e is chi fiant tossigudipendentis) bastit chi non funt agiudaus in manera diferenti.